Tré og runnar forum: Trjárækt í sumarlandinu.
Views: 11, Replies: 108 » Jump to the end |
|
|||
| Margir eiga sér griðland einshvers staðar fyrir utan þéttbýlið, þar sem þeir una sér við ræktun og fá í leiðiinni slökun og næringu á sál og líkama. Ég er svo heppin að vera ein af þeim. Ég eignaðist landskika haustið 1998, en um það leyti hafði kviknað hjá mér mikil löngun til að reyna að rækta trjágróður. Landið var jarðarpartur, sem við frændfólkið skiptum með okkur. Þrátt fyrir heilsubrest á þessum tíma drifum við í að girða landið vorið eftir . Ég setti svo niður nokkur hundruð stiklinga í kjölfarið með aðstoð fjölskyldunnar. Ég reyndi líka að vekja áhuga hjá frændfólkinu til að planta trjám þarna, en á þessum tíma reyndist ekki vera grundvöllur fyrir slíku. Ég fékk á tilfinninguna að ég hlyti að vera skrítna kerlingin í fjölskyldunni, sem ég sennilega var og er. Ég var mjög heppin þetta vor því að stór og falleg ösp var felld í garði nágrannans, líklega Keisari. Ég fékk sem sé að bita allar greinar sem ég réð við niður í stiklinga. Einnig áskotnuðust mér víðistiklingar. Mest allur víðirinn drapst, en Aspirnar lifðu flestar og eru nú falleg tré sem ég er farin að rækta aðra kynslóð af. Árið 2000 byrjuðum við svo af krafti að planta bakkaplöntum af helstu tegundum sem fengust. Við notuðum plöntustaf við verkið og settum alltaf hrossatað með í holurnar. Landið er talsvert hólótt en telst samt vera sléttlendi og þar getur Norðanáttin verið mjög slæm. Mikil afföll hafa verið á greninu, þrátt fyrir að við byggðum skjól sem við klæddum með striga. Eftir fyrsta veturinn var striginn hreinlega horfiinn, Lerki sem við keyptum á þessum tíma reyndist ekki vel og fáeinar plöntur af því eru eftir. Sennilega er talsvert af afföllunum að kenna því að plantað hefur verið í frostpolla, og að síðsumarfrost kom a.m.k. tvö árin. Einnig hafa maímánuðir oft verið kaldir og þurrir með stífum norðanáttum. Við höfum því lagt áherslu á birkið sem aldrei hefur klikkað og bætt svo inn bakka og bakka af reyni og ýmsu öðru sem við höfum sett niður hér og þar. Það er núna fyrst á síðustu 3 árum sem mér finnst að grenið sé að taka við sér. Landið sem er kallað Jarphagi var skilgreint sem landbúnaðarland, þangað til á þessu ári að við fengum það samþykkt sem frístundaland. Búskapurinn í Jarphaga hefur því verið mjög frumstæður: Fellihýsi sem kallað er "Skúrinn" og lítil kofi sem er verkfærageymsla með snyrtiaðstöðu. Hér eru svo nokkrar myndir úr Jarphaganum:   Síðustu ár höfum við hætt að nota plöntustafinn og notað stunguskóflu í staðinn og stundum geyspu. Áhuginn er smám saman að kvikna hjá frændfólkinu á að planta í sína reiti og hef ég lúmskt gaman af því. Magga |
|
|||
Hér eru nokrar myndir til viðbótar. Myndin til vinstri er Evrópuaskur, Til hægri er Broddhlynur  Til vinstri Garðakvistill "Diablo", til hægri sitkagreni   Til vinstri Virginíuheggur, til hægri stórllaufa hlynur Acer macrophyllum.   Hér fyrir neðan eru svo yfirlitsmyndir úr Jarphaganum.     Magga Magga |
|
|||
Takk fyrir þetta Magga  Mikið er gaman að heyra svona reynslusögu af skógrækt á frumstigi Flottar myndir, þetta verður fallegur birkiskógur þegar fram líða stundir  Hvaða tré er þetta á mynd #2? Rosalega falleg planta og virðist þrífast vel þarna :-)Hef lúmskt gaman af því líka að þér hafi tekist að smita frændfólkið af smá ræktunaráhuga   Það kemur þegar árangurinn fer að koma í ljós :-) |
|
|||
| Þetta er algjör dásemd Merkilegt að sjá garðakvistilinn þarna, hann kelur töluvert í skjólinu hjá mér ;-) Flott að sjá þetta fallega blómaengi með birkitrjánum á stangli .... flott að rækta svona laufskóg. Þó grenið sé fallegt með þá verður þéttur greniskógur svo dimmur og óaðgengilegur. Algjörlega frábært hjá ykkur :-) |
|
|||
| Humm, ég ætlaði að bæta 4. myndinni inn þarna fyrir ofan en það klúðraðist og 1. myndin birtist ekki heldur núna. Kannski getur þú lagað þetta. Myndin er af Metasequoia glyptostroboides (held að ég skrifi þetta rétt) Ég pantaði fræ af þessu fyrir nokkrum árum á ebay. Var þá nýbúin að sjá grein í einhverju dagblaðanna um að á Vestfjörðum hefðu fundist steingervingar af þessu tré að ég held síðan fyrir ísöld. Tréð var talið útdautt á fyrrihluta 20. aldar, en síðan fannst þetta að mig minnir á stríðsárunum síðari í Kína, og síðan hefur þetta verið í ræktun, aðallega sem garðtré. Ég er að prófa þetta þarna í sveitinni. Ég var með 2 svona í garðinum heima sl. vetur og þau komu fín undan þessum milda vetri. Fræið spíraði ekki vel, en ég fékk nokkrar plöntur, og hef svo tekið græðlinga og komið þeim til. Nokkrir kunningjar hafa fengið hjá mér smáplöntur, en ég veit ekki til að öðrum hafi gengið vel að rækta þessa tegund. Þætti gaman að heyra ef fleiri hafa reynt þetta. Magga |
|
|||
En spennó Ég held að ég sé með eina svona plöntu úti í sólreit ..... man að ég fékk fræ af henni frá GÍ, man ekki hvort það spíraði, ég sáði svo mörgum sortum  Fannst "barrið" líkjast plöntunni minni ..... þetta er virkilega spennandi planta finnst mér ... og frábært að heyra að þær séu að standa sig vel hjá þér Þarf að kíkja út í sólreit á morgun  |
|
|||
| Mér hefur ekki gengið nógu vel að taka græðlina af öspunum en hef samt fengið nokkrar plöntur. Ætli sé of seint núna að reyna að koma til öspum í sumar og hvað aðferð hefur komið best út með að koma rótum á græðlingana? |
|
|||
| Sæl Kidda og velkomin í hópinn. Mér hefur reynst best að taka græðlinga á haustin og stinga í raðir í beð með hrossaskít. Leyfa þeim að vera þar í kannski tvö ár, planta þeim svo út á öðru hausti eftir að þeim er stungið í beð. Einnig má taka þá að vori og gera eins , þ.e. setja þá í beð. Ösp er mjög auðvelt að rækta af græðlingum. Þegar ég byrjaði í trjárækt, líklega í byrjun maí 2000, var nágrannakona mín nýbúin að fella stóra ösp sem var í raðhúsagarðinum hennar. Ég "greip hana glóðvolga" klippti allar greinar sem voru ekki of sverar, bútaði þær niður í ca 20 cm stubba og stakk þeim að 2/3 niður í holur sem ég gerði með plöntustaf og fyllti með hrossataði. (Hreinsaði fyrst mosa af bletti áður en ég stakk holuna með stafnum). Þær drápust nú margar, en öspin fallna á margar fallegar dætur í ræktunarlandinu mínu. Þessi mynd er tekin haustið 2009, þannig að 9 árum áður voru þetta 20 cm rótarlausir asparstubbar.  Málið er aðallega held ég að græðlingarnir fái nægan raka á meðan þeir eru að mynda rætur, og það er oftast vætutíð á haustin og snemma vors. Gangi þér vel Kidda. Magga |
|
|||
Takk fyrir þetta Magga, ég þarf að fjarlægja stórt rótarskot hjá mömmu þegar ég hef tíma og ætla að prófa þetta ráð. Þetta eru myndarlegustu aspir sem þú hefur náð að rækta þarna. Kannski losnar mamma við rótarskotið fyrr en ætlað var eða seinna  |
|
|||
| Hér er tengill á síðu Garðyrkjufélagsins, þar sem er fjallað um stiklingaræktun af þekktum kunnáttumanni Hafsteini Hafliðasyni http://www.gardurinn.is/default.asp?sid_id=16809&tre_rod=020... Hann fjallar bæði um víði og aspir, Það er alltaf fróðlegt að glugga í hvað hann segir um ræktun. Þetta virðist semsé vera hægt að sumri til líka, bara ef maður passar að láta ekki þorna. Magga |
|
|||
| |
|
|||
| Hretskemdir í sveitinni. Fyrripartinn í maí fórum við austur í sumarlandið til að líta eftir og bera á. Þá var allt mjög blómlegt, alls staðar líf og ekki að sjá neinar skemmdir eftir veturinn. Svo kom hretið  Stórblaða hlynurinn minn sem ég plantaði í fyrra , ca. 2 m hár, var að ekki byrjaður að laufgast í vor, var aðeins skemmdur í toppinn en leit vel út. Ekkert brum hefur opnast ennþá, svo ég veit ekki hvort hann er lifandi eða dauður. Hesli skemmdist mikið, en ég held að það sé eitthvað líf í því ennþá. Ýmislegt fleira virðist hafa skemmst í hretinu. Aspir 1 til 1 1/2 m úr uppeldi sem plantað var í fyrra varð fyrir skemmdum og standa berar núna. Eplatré sem ég ræktaði af fræi voru gróðursett í júní. Viku seiinna þegar ég kom austur voru þau búin að hausta sig með eldrauðum lit. Ég vona að þau vakni alla vega næsta vor.  En ekki er svo með öllu illt að ei boði gott: Tvö tveggja og hálfs metra asktré sem plantað var í fyrra eru alveg sprell lifandi. Askur hefur reynst mjög vel í sveitinni. Hann laufgast alltaf seint en kelur ekki En ekki þýðir að grenja lengi. Maður heldur bara áfram og vonar það besta.  Magga |
|
|||
| Flott hjá þér Magga bara halda áfram Guðrún |
|
|||
| Æ, leitt að heyra af hretskemmdunum, en maður verður víst að reikna með slíku af og til. Mikið eru nú haustlitirnir samt fallegir þó þeir séu helst til snemma á ferðinni |
|
|||
Ekki er svo með öllu illt að ei boði gott. Stórblaðahlynurinn minn er ekki alveg dauður, það er komið lauf á stofninn í 1 meters hæð, svo ég ætla að vona að hann tóri.  Fenjagrenið sem ég plantaði í móann í fyrra virðist vera dautt, og tvær góðar plöntur sem eru búnar að vera í garðinum heima og dafnað þar vel í nokkur ár eru illa farnar eftir kuldakastið í maí-júní en lifandi þó. En það lifir fleira en tré í sveitinni. Blágresið er alltaf að dreifa sér meira og meira og mjaðjurtin líka, svo hafa sóleyjar líklega komið með trjáplöntum, og þetta er svo fallegt saman. Mjög víða er að koma upp gulvíðir og loðvíðir eða grávíðir. Krækiberjalyng hefur komið upp í uppblásnum flögum. Rauðsmári er líka byrjaður að sá sér og gult baunagras. Sigurskúfur hefur slæðst austur, sennilega ættaður úr Elliðaárdalnum, Og svo hef ég verið að planta ýmsu fjölæru hér og þar meðfram stígum sem bóndinn hefur smám saman verið að leggja , t.d. geitarskegg, kornblóm og fjólur. Nýlega plantaði ég sunnan í hól rósaplöntum af ýmsum tegundum, sem ég hef ræktað af græðlingum.   Magga |
|
|||
Þrátt fyrir afföll og vonbrigði í ræktun á þessu ári höfum við átt margar góðar stundir í sveitinni í sumar. Hér kyssa geislar kvöldsólarinnar sumarlandið. Magga |
|
|||
| Yndislega fallegt :) |
|
|||
Á sumardaginn fyrsta, eftir að hafa eytt meiru en góðu hófi gegndi i Nátthaga, skruppum við austur í Jarphaga, bara til að bjóða gleðilegt sumar. Allt lítur vel út, Brum á trjánum byrjuð að opnast og margar fjölærar jurtir komnar á stjá. Plantaði slatta af laukum utan í þúfur sl. haust og þetta var allt komið í blóma.   Bið og vona að það komi ekki slæmt hret eins ogí fyrra Magga |
|
|||
| En flott :) |
|
|||
Skruppum aðeins í sveitina/Jarphagann í dag. Fórum með kerruna austur, en meiningin er nota hana dálítið þar í sumar. Stoppuðum ekki lengi, en ég notaði tímann til að bera á plöntur á meðan bóndinn lagfærði litla bjálkakofann sem við notum sem verkfærageymslu og snyrtingu. Og svo var erindi hans líka að prófa skilyrðin fyrir I-Padinn sem hann fékk í afmælisgjöf. Það gekk alveg þokkalega, þannig að hann ætti að verra fús að fara í sveitina í sumar. Hann er svona gaur sem elskar græjur . Það var norðan kaldi og hálfgert úlpuveður þó að sólskin væri. Ég á heilmikið verk fyrir höndum í sveitinni. Fyrir utan að bera áburð á yngstu plönturnar þarf ég að stinga upp og búa til beð fyrir grænmeti. Ég á líka fullt af blómplöntum sem ég ætla að planta í sumar, en er að hugsa um að bíða með að planta trjáplöntum þangað til í haust. Hef rekið mig margsinnis á að maí og júní eru svo þurrir að það fer illa með plönturnar og þar að auki þarf ennþá að flytja allt vatn þangað.  Í bakaleiðinni sóttum við skúrinn(fellihýsið) sem var í vetrargeymslu þarna í sveitinni, en það hefur verið okkar óverustaður í Jarphaganum á sumrin, algjör lúxus með sjónvarpi, gasgrilli,, gaseldavél, ísskáp hita,tvíbreiðum rúmum, fortjaldi og you name it  Nú verður það þrifið hátt og lágt og fyllt af vistum fyrir sumarið . Magga |
| « Back to the top « Cubits.org homepage « Garðaflóra cubit homepage « Tré og runnar forum |
Only subscribed members of this cubit may reply to this thread. There is a "Join this cubit" button at the bottom of this page.
